БААда Европа банкларига норасмий бойкот эълон қилинди

Жаҳон 09 Август 2017 5779
Фото:СС0 Public Domain

БАА Европанинг Credit Suisse, Deutsche Bank ва Barclays каби банкларига бу банкларнинг йирик акционерлари Қатар бизнес доиралари вакиллари ҳисобланиши сабабли норасмий бойкот эълон қилди.

The Financial Times нашри маълумотларига кўра, бу банклар яқин ойларда Абу-Дабидаги катта лойиҳаларда иштирок этиш ҳуқуқини юта олишлари даргумон, чунки уларда Қатар суверен фонди ва Қатар қироллик оиласи аъзолари катта улушларга эгалар.

Қатар компаниялари Barclays ва Deutsche Bank’да 6 фоизлик улушга эга, Credit Suisse’нинг 5 фоизлик улуши Qatar Investment Authority тузилмаларига тегишли. Бу тузилмалар ушбу банкнинг яна 13 фоизлик улушини сотиб олиш ҳуқуқига эга.

Бойкот ҳақида июлда, Абу-Даби миллий нефть компанияси унинг бўлинмасининг IPO’сини қайси банклар ўтказишини ҳал қилганда маълум бўлган. Танловга таклиф қилинган, бойкот остига тушган банклар, жумладан Credit Suisse тезда иштирокчилар орасидан чиқариб ташланган. Бойкот остига тушган бошқа банклар эса умуман танловга таклиф қилинмаган.

"Бизга норасмий бойкот борлиги, биз ҳеч нарса қила олмаслигимиз айтилган", деб айтмоқда банкирлардан бири. Унинг айтишича, чекловлар оммавий тарзда ошкор қилинмаган. Таъкидланишича, БАА бойкот эълон қилишни ва уни тан олишни расман режалаштирмаган.

Бойкотга учраган бошқа банк ходими эса чекловларни баъзи амалдорлар ва ташкилотлар киритаётганини айтган. Банкирнинг таъкидлашича, унинг банки лойиҳаларда иштирок этишга таклиф қилинган. Ушбу ҳолат юзасидан банклар ҳам, БАА ҳукумати ҳам изоҳ беришни истамаган.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 28953 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 65112 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8211 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 125724 Жамият
Зафар Рўзиев: Энди Қашқадарёда етиштириладиган пахтанинг ярмидан кўпи ўзимизда қайта ишланади
Алвидо, Dodge Viper! Суперкарнинг энг ноёб намуналари
Афғонистонда толибларнинг етакчиларидан бири ўлдирилди
17:50 944 Жаҳон
Украинада Франциянинг 200 млн еврони ўзлаштирган фуқароси қўлга олинди
17:40 1290 Жаҳон
Ўзбекистон Республикаси Олий суди турли миш-миш хабарларга раддия берди
Уқубат ва бардош тимсоли. Афғонистонда бугун мустақиллик куни (фотожамланма)
17:20 2786 Жаҳон
Кўпроқ янгиликлар