Саудия Арабистонининг SAUDIA авиакомпанияси эркакларнинг шорти, аёлларнинг эса тор кийим кийишларини ножоиз хатти-ҳаракатга тенглаштириб, йўловчилар дресс-кодини киритди. 

Ташувчи қоидаларига тўғри келмаслиги боис бир неча йўловчи компаниянинг рейсларига қўйилмаган, дейилади Makkah газетасида. Нашрга кўра, қўниш чиптаси борлигига қарамай, баъзилар рейсдан қайтарилган. Бу воқеалар авиакомпания янги қоидаларни ўз сайтида тақдим этгунга қадар рўй берган. 

"Атрофдагиларга ноқулайлик туғдирадиган кўринишда (аёллар - оёқ-қўллари очиқ ёки ҳаддан ташқари тор кийим, эркаклар - оёқларни ёпмайдиган шорти) кийинган йўловчилар жамоатчилик тартибини бузган ҳисобланади", - дейилади компания сайтида тақдим этилган йўловчилар хатти-ҳаракатларига доир қоидаларда. Рўйхат умумий ҳисобда 15 пунктдан иборат. 

Ар-Риёд Туризм департаментининг собиқ раҳбари Али Ғамдийнинг сўзларига кўра, бундай қоидалар гўёки Халқаро фуқаролик авиацияси ташкилоти шартлари бўлиб, бутун дунё авиакомпанияларида қўлланади.