Шимолий Корея очиқ таҳдидга ўтди: «Гуамни йўқ қилиб ташлаймиз»

Жаҳон 09 Август 2017 44035

Шимолий Корея АҚШ стратегик бомбардимончиларининг Гуам оролидаги АҚШ базасидан парвоз қилишига жавобан бу база жойлашган ҳудудга ракета зарбаси бериш режасини тузмоқда. Шимолий Корея армияси стратегик кучларининг бундай баёнотини Шимолий Кореянинг KCNA агентлиги тарқатди.

Баёнотда АҚШ ҳукумати Корея яриморолидаги вазиятни кескинлаштиришда айбланган. Пхеньян бунинг исботи сифатида Minuteman III баллистик ракета синовини ва АҚШ стратегик бомбардимончиларининг минтақада мунтазам парвозларини келтирди. "АҚШнинг бундай ҳарбий манёврлари Корея яриморолидаги фавқулодда кескин вазият шароитида хавфли можаро келтириб чиқариши мумкин", деб огоҳлантирган Пхеньян.

Баёнотда айтилишича, АҚШ учун Шимолий Кореяга бостириб киришда "бошланғич нуқта" бўлиб Тинч океанида жойлашган Гуам оролидаги база ҳисобланади. Шу сабабли Шимолий Корея армияси "бу базани йўқ қилиш бўйича амалий чоралар кўради", дейилган хабарда.

Баёнотда, шунингдек, Шимолий Корея раҳбари Ким Чен Ин АҚШ тажоввузини ушлаб туриш режасини тузишга буйруқ берган. "Шимолий Корея стратегик кучлари Гуам оролига ўрта масофаларга мўлжалланган "Хвасон-12" баллистик ракетаси билан зарба бериш бўйича тезкор режани батафсил ўрганмоқда", дейилган баёнотда.

Яқин орада бу режа Шимолий Кореянинг олий ҳарбий қўмондонлигига тақдим қилинади. "У Шимолий Корея ядровий кучлари бош қўмондони Ким Чен Ин буйруқ бериши биланоқ исталган вақтда амалга оширилади", деб айтилган Пхеньянда.

Осиё-Тинч океани минтақаси давлатларининг Маниладаги учрашувида Шимолий Корея ташқи ишлар вазири Ли Юн Хо Пхеньян "Вашингтонга ядровий қурол қўллаган ҳолда аёвсиз сабоқ бериб қўйишга" тайёрлигини айтган. Бундан кейин АҚШ президенти Дональд Трамп Шимолий Кореядан АҚШга таҳдид қилишни бас қилишни талаб қилган. Трампнинг айтишича, акс ҳолда Шимолий Корея "дунё аввал кўрмаган олов ва ғазабга учрайди".

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 49224 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 102930 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52879 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9831 Lifestyle
Цукерберглар оиласида иккинчи фарзанд дунёга келди
08:39 217 Жаҳон
АҚШ ИШИДни мағлуб қилгандан кейин Сурияни тарк этишга ваъда берди 
08:05 1423 Жаҳон
Барселонадаги терактга алоқадор бўлган барча террорчилар йўқ қилинди
07:52 1181 Жаҳон
Олий лига. «Локомотив» ғалаба қозонди, «Насаф» «Бунёдкор»га ютқазди
07:43 1126 Спорт
Трампни руҳшунос текширувига юбориш таклиф этилди
07:32 2469 Жаҳон
Яшнободда автомашина эшигини сих орқали очиб, 1500 долларни ўмарган шахс ушланди
02:51 2401 Жамият
Кўпроқ янгиликлар