АҚШ давлат котиби Рекс Тиллерсоннинг маълум қилишича, президент Дональд Трамп Вашингтоннинг “ўт ва қаҳри” ҳақидаги сўзлари билан КХДРга кучли хабар юборишга ҳаракат қилган. Бу ҳақда Reuters хабар бермоқда.

Тиллерсон бу ҳақда Гуам оролига йўл олаётган вақтида журналистларга айтиб ўтган. Оролда АҚШ ҳарбий базалари бор ҳамда Пхеньян айнан уларга зарба бериш билан таҳдид қилди.

“Менинг фикримча, президент Шимолий Кореяга унинг етакчиси Ким Чен Ин тушунадиган тилда кучли хабар юборди”, - дея таъкидлаб ўтган Давлат департаменти раҳбари.

Тиллерсоннинг қайд этишича, АҚШ шимолий кореялик диктатор деб ҳисобловчи Ким Чен Ин “афтидан, дипломатик тилни тушунмайди”.

9 августга ўтар кечаси Шимолий Корея қуролли кучлари АҚШнинг ҳарбий базалари бўлган Гуам оролига ракета зарбалари бериш имкониятини кўриб чиқаётгани ҳақида маълум қилди.

АҚШ президенти Дональд Трамп эса бунга жавобан, КХДР АҚШга таҳдид қилишда давом этадиган бўлса, уни Вашингтоннинг “ўт ва қаҳри” кутаётганини айтди.

Германия ҳукумати бу борада Хитой ва Россияга чақириқ билан чиқди.