Volkswagen эски машиналарни янгисига алмаштирганларга 5000 евро тўлайди

Технология 09 Август 2017 4109
Фото: Depositphotos

Volkswagen концерни янги Golf харид қилган Евро-4 тоифали барча дизель автомобиллари эгаларига эски машина эвазига 5000 евро бонус таклиф қилмоқда. Бу ҳақида Bild хабар берди. 

Нашрда маълум қилинишича, тўловлар солиқ тўловчиларнинг пулларини жалб қилмаган ҳолда, фақат концерн маблағларидан амалга оширилади. 

Шунингдек Audi, Porsche ва Skoda'да ҳам шундай акциялар бўлиши кутилмоқда. 

Бундан ташқари, германияликлар электромобил ҳамда гибрид двигателли ва газда ишловчи автомобиллардан бирини харид қилган тақдирда 1000-2380 евро ҳажмидаги қўшимча имтиёзларга ҳам эга бўлиши мумкин.

ГФР Транспорт ва рақамли инфратузилма вазирининг таъкидлашича, ҳукумат эски намунадаги дизель двигателларида ишловчи автомобилларни аста-секин муомаладан чиқаришни қўллаб-қувватлайди. 

2 август куни Германиянинг Volkswagen AG, Daimler AG ва  BMW AG концернлари 5 миллион дизель машина чақируви ҳақида эълон қилди. Бу қарор зарарли чиқиндилар ҳажмини камайтириш йўлида амалга ошириш мақсадида қабул қилинган. 

Кўпроқ янгиликлар