Ўзбекистон Президенти Шавкат Мирзиёев Ўзбекистон ҳукумати ва Кувайт ҳукумати ўртасидаги дипломатик паспортлар эгаларининг визасиз бориши тўғрисидаги келишувни тасдиқлади.

Шавкат Мирзиёев 2017 йилнинг 9 август куни тегишли қарорни имзолади.

Бундан ташқари, ҳужжат билан икки давлат ҳукуматининг олий таълим ва илмий тадқиқот соҳасидаги ҳамкорлиги тўғрисидаги келишуви тасдиқланди.

Ўзбекистон Ташқи ишлар вазирлигига Ўзбекистон Республикаси кўрсатилган халқаро шартномаларнинг кучга кириши учун лозим бўлган давлат ичидаги жараёнларни бажаргани ҳақида тегишли билдиришнома юбориш вазифаси топширилди.