Эрон 1990-йиллардаги қотилликларни молиялаштиришда Тожикистоннинг айбловларини рад этди

Жаҳон 10 Август 2017 7895
Фото: Fotolia / Borna_Mir

Эроннинг Тожикистондаги элчихонаси Тожикистон ички ишлар вазирлиги фильмида Тожикистондаги 1990-йиллардаги шов-шувли қотилликларни молиялаштиришда Эронга қўйилган айбловни асоссиз ва шубҳали деб атади. Бу ҳақда 10 августда “Азия-плюс” хабар берди.

8 августда Тожикистон телевидениеси орқали Тожикистонда машҳур сиёсатчилар, олимлар ва журналистларнинг ўлдирилиши Эроннинг молиявий кўмаги ва Тожикистоннинг собиқ мудофаа вазири ўринбосари Абдуҳалим Назарзода топшириғи билан амалга оширилгани айтилган ҳужжатли фильм намойиш қилинган. Фильмда Эрон Тожикистон парламентининг собиқ спикери Сафарали Кенжаев, таниқли журналист Отахон Латифий, олимлар Муҳаммад Осимий, Юсуф Исҳоқий, Минхўжа Гулямов, сиёсатчи Карим Юлдашев, таниқли ёзувчи Сайф Раҳим, собиқ муфтий Фатхуллохон ва Россиянинг Тожикистондаги 201-мотоўқотар дивизиясининг 20 га яқин зобити ўлдирилишининг бош молиявий манбаси эканлиги айтилган.

9 август куни фильм Тожикистоннинг барча давлат телеканаллари орқали такроран намойиш қилинган.

Шу муносабат билан Эрон элчихонасининг расмий сайтида жойлаштирилган баёнотда айтилишича, фильм кимнингдир кўрсатмаси билан тайёрланган, унинг муаллифлари эса икки давлат ўртасидаги муносабатларга нифоқ солишга уринмоқдалар.

“Шубҳа йўқки, ушбу фильм яратувчиларининг икки давлатнинг тарихан вужудга келган алоқаларига зиён етказишга уриниши беҳудадир. Фильм муаллифларининг судланганлар ва бугунги кунда ҳаёт бўлмаган шахслар номидан гапиришлари ҳақиқат сифатида қабул қилиниши мумкин эмас”, дейилган Эрон элчихонаси баёнотида. 

Элчихонанинг таъкидлашича, Тожикистон халқи айнан Эрон тожик ерида тинчликка эришишнинг кафолатларидан бири эканлигини, айнан Эронда Тожикистондаги тинчлик жараёнининг бир неча раунди ўтганини ёдда сақлайди ва унутмайди. Бундан ташқари, Эрон Тожикистонга “Истиқлол” туннелини барпо этишда, “Сангтуда-2” ГЭСи, Душанбедаги “Сино” клиникаси, ўнлаб маданият, спорт объектлари қурилишида, ўнлаб ночор тожик оилаларига ёрдам кўрсатган.

Элчихона “Эрон террорчиликка қарши аёвсиз кураш олиб боришини бутун дунёда билишлари”ни қўшимча қилган ва “бундай фильмларнинг Тожикистон энергетика ва сув захиралари вазирининг Теҳронда Эрон президенти инаугурация маросимида иштирок этгандан кейин намойиш қилиниши икки дўстона халқ муносабатларига путур етказа олмаслиги ва барча бундай уринишлар бефойдалигидан» огоҳлантирган.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 14483 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 68236 Жамият
Кун.uz офис изламоқда
15:48 / 06.08.2017 37118 Lifestyle
"Реал" Испания Суперкубоги соҳиби!
04:08 816 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 1065 Жаҳон
Саакашвили Украинага қачон қайтишини маълум қилди 
01:15 1637 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 1661 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Кўпроқ янгиликлар