Iroq bosh vaziri Haydar al-Obodiy mamlakatda payshanba, 10 avgustni dam olish kuni, deb e'lon qildi. Bunga sabab – mamlakatda jazirama ob-havo kuzatilmoqda.
«Bosh vazir Haydar al-Obodiy payshanba kuni ish kunini bekor qilish haqida rasman qaror chiqardi. Bu havo haroratining ko‘tarilishi tufayli yuz berdi», - deya xabar qilgan Iroqning IMN telekanali.
Ta'kidlanishicha, Bag‘dod shahrida havo harorati Tselsiy bo‘yicha 50 daraja issiqni tashkil etgan.
Avvalroq Germaniyaning Lufthansa aviakompaniyasining Iroqdagi Erbil shahriga yo‘l olayotgan samolyoti jazirama ob-havo tufayli Turkiyada favqulodda qo‘ngani xabar berilgandi.