ОАВ: Россия ҳарбий самолёти Оқ уй ва Пентагон устидан учиб ўтди

Жаҳон 10 Август 2017 30821
Фото: CNN

Россия ҳарбий самолёти АҚШ билан Очиқ осмон келишуви доирасида келишилган парвозни амалга ошириб, 9 августда Капитолий, Пентагон, Оқ уй ва президентнинг бошқа қароргоҳлари ҳамда Вашингтон яқинидаги махфий ҳукумат бункери устидан учиб ўтди. Бу ҳақда CNN телеканали хабар берди.  

Россия мудофаа вазирлиги аввалроқ россиялик инспекторлар 7-12 август кунлари Огайо штатидаги Райт-Паттерсон аэродромидан АҚШ ҳудуди бўйлаб кузатув парвози бажаришларини маълум қилганди. Парвозлар Россиянинг Ту-154М Лк-1 кузатув самолётида 4,9 минг км гача (АҚШнинг бутун ҳудудини қамраб олади), АҚШ билан келишилган йўналиш бўйича бажарилади. Америкалик мутахассислар самолёт бортида кузатув қурилмаларининг қўлланиши тартибини ва келишув бандларига амал қилинишини назорат қиладилар.

Телеканалнинг маълум қилишича, кузатув самолёти Капитолий, Пентагон, МРБнинг бош қароргоҳи ва АҚШ президенти самолёти турадиган Эндрюс авиабазаси устидан 1,1 минг метрдан зиёдроқ баландликда учиб ўтган. CNN маълумотларига кўра, самолётга Оқ уй атрофидаги ўта махфий ҳаво ҳудудига киришга рухсат берилган.

Бундан ташқари, самолёт 9 августда ҳозирда АҚШ президенти Дональд Трамп дам олаётган Бедминстер шаҳри ва Трампнинг Виржиниядаги гольф-клуби, президентнинг Кэмп-Дэвид қароргоҳи ва Вашингтон яқинидаги Маунт-Уэзер ҳукумат бункер устидан ҳам учиб ўтган.

Пентагоннинг тегишли бўлимида CNN’га парвоз тугамагунча кузатув объектлари айтила олмаслиги айтилган. Шу маълум қилинганки, келишув амалда бўлган 15 йил ичида бундай парвозлардан 1,2 мингтага яқин амалга оширилган. 

Кун янгиликлари
Абитуриент ҳикояси: “Мен ўқув маркази томонидан алдандим”
10:34 26316 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 41372 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 156091 Жамият
Кун.uz офис изламоқда
15:48 / 06.08.2017 44433 Lifestyle
«Уэмбли»даги тарихий учрашувда «Челси» ғалаба қозонди
22:20 106 Спорт
Озарбойжонлик дизайнер ўзбек хон-атласи ва шойиларини жаҳон подиумларига олиб чиқмоқчи
21:53 868 Жамият
Қатар Саудия Арабистонидан ҳаж зиёратчилари учун юборилган самолётларни ўз ҳудудига қўймади
21:48 2162 Жаҳон
Ҳиндистонда 70 минг долларлик бриллиантларни эгасига қайтарган ўсмир муносиб тақдирланди
21:31 2100 Жамият
АПЛ. «Ҳаддерсфилд» яна ғалаба қозонди
21:09 1465 Спорт
Японияда 74 ёшли альпинист ёрдам кутган ҳолда бир ҳафта шоколад билангина жон сақлади
21:07 1287 Жамият
Кўпроқ янгиликлар