Avstraliya agarda shimoliy koreyaliklar hukumati AQShga hujum qilishga qaror qilsa, Qo‘shma Shtatlarga yordam ko‘rsatadi. Bu haqda Avstraliya bosh vaziri Malkolm Tyornbull ma'lum qildi.
«Agarda AQSh KXDR tomonidan hujumga uchraydigan bo‘lsa, Avstraliya amerikaliklarga yordam beradi. Sababi Qo‘shma Shtatlar bizga kimdir hujum qilgan taqdirda, tezkor yordam ko‘rsatgan bo‘lardi», - deya ma'lum qildi Tyornbull 3AW radiostansiyasiga bergan intervyusida.
Uning ta'kidlashicha, «AQShda Avstraliyadan ham ishonchliroq ittifoqchi yo‘qdir».
Avvalroq Pentagon rahbari KXDR muammosini urush bilan hal qilishga tayyor ekanligi xabar berilgandi.
