Хитойда Weibo ва Baidu сервисларига қарши тергов иши очилди

Жаҳон 11 Август 2017 1670
Фото: Reuters

Хитой Киберхавфсизлик маъмурияти (CAC, интернетнинг хитой сегментини назорат қилувчи давлат органи) мамлакатнинг энг йирик онлайн-платформаларига қарши тергов ишини йўлга қўйди. Унга кўра, бу платформаларда "зўравонлик, терроризм, миш-мишлар, порнография ва миллий хавфсизликка соя солувчи бошқа таҳдидлар" аниқланган. 

Мамлакатнинг уч йирик интернет сервисида текширувлар олиб борилади: Tencent компаниясининг WeChat мессенжери, Weibo микроблоглар сервиси (Twitter'нинг хитойча муқобили) ва Baidu Tieba форуми. Киберхавфсизлик маъмурияти сайтида шунга оид хабар берилди

Ҳукумат бу уч платформани интернетдаги хавфсизлик тўғрисидаги ва қатор бошқа қонун ҳамда қарорларни бузишда гумон қилмоқда. Хабарда текширувлар ўтказиладиган сана ҳақида маълумот берилмаган. CAC фойдаланувчиларни интернетдаги ғайриқонуний контентлар ҳақида ҳукуматга "фаол хабар бериш"га чақирди. 

Tencent, Baidu ва Weibo бу маълумотни тезда изоҳлай олишмади, дея таъкидланади Bloomberg ва Reuters'да. Манбага кўра, ҳукумат Хитой компартиясининг XIX съезди (йилнинг иккинчи ярмида) олдидан интернет-медиага босимни кучайтирмоқда. 

Reuters агентлигига кўра, июль ойида CAC бу уч онлайн-платформа вакиллари билан учрашув ўтказган. Ҳукумат улардан ўз платформаларидаги номақбул контентлар (партия функционерлари ҳақидаги миш-мишлар, Хитой ҳарбий тарихининг "бузиб кўрсатилиши" ва б.)ни "тозалаш ва тузатиш киритиш"ни талаб қилган. 

Агентликка кўра, WeChat'нинг фаол фойдаланувчилари сони - ойига 940 миллион кишини ташкил қилади, Weibo'да эса - 350 миллион киши. 

Bloomberg маълумотларига кўра, CAC баёнотидан кейин Tencent компанияси акцияларининг нархи 4 фоизга пасайган.

Июль ойи ўрталарида Пекин мамлакат ҳудудида WhatsApp мессенжерини блоклай бошлаганди. Бу Винни-Пух билан боғлиқ кампания доирасида рўй берган: хитойлик интернет фойдаланувчилари мамлакат етакчисини унга ўхшатишган. 

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 38647 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 14106 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 90953 Ўзбекистон
Кекса немис Исландияга эски тракторда саёҳатга жўнади
ОАВ: МРБ Испанияда теракт тайёрланаётганидан огоҳлантирган
23:46 / 17.08.2017 471 Жаҳон
Янги ўқув йилида олий ўқув юртларида ўқиш учун контракт пули ошмайди
23:30 / 17.08.2017 2331 Ўзбекистон
Йўқолган никоҳ узук 13 йил ўтиб сабзида топилди
23:25 / 17.08.2017 3319 Жамият
Барселонадаги теракт гумондорлари қўлга олинди
23:20 / 17.08.2017 1495 Жаҳон
Хайрулла Нуриддинов МТРК раиси  ўринбосарлигидан кетди
23:15 / 17.08.2017 3701 Ўзбекистон
Фото: Австралияда дунёдаги энг кучли қуёш электростанцияси қурилади
23:10 / 17.08.2017 674 Технология
Кўпроқ янгиликлар