Америкалик терговчилар глобал молиявий тармоқни фош этишди. У ИШИД террорчилик гуруҳидаги юқори мансабли шахслар томонидан бошқарилган бўлиб, АҚШдаги ҳамтовоқларига eBay интернет-дўконидаги сохта транзакциялар орқали маблағлар юбориб турган. Бу ҳақда Fox News Қўшма Штатлар Федерал қидирувлар бюросига асосан хабар берди.

Таъкидланишича, террорчиларнинг Америка Қўшма Штатларидаги эҳтимолий шериги бир йил аввал Мэрилендда ҳибсга олинган. Бу ФҚБ ходимлари уни молиявий тармоққа алоқадорликда гумонлашгандан сўнг юз берган.

Аввалроқ Қирғизистонда терактлар амалга оширмоқчи бўлган ИШИД аъзолари қамалгани хабар қилинганди.