Яман ҳукумут кучлари билан исёнчи ҳусийлар ўртасидаги қуролли тўқнашувда камида 17 киши қурбон бўлди. Бу ҳақда РИА Новости хабар қилмоқда

Агентлик маълумотларига кўра, шимолий Жауф вилоятида юз берган жангларда 7 нафар ҳарбий хизматчи ва 10 нафар исёнчи ҳалок бўлган. Яна 4 аскар яралангани хабар қилинмоқда. 

"Ҳарбий хизматчилар исёнчилар ҳужумини қайтаришга эришган", — деган маълумотни тақдим этган манба. У, шунингдек, ҳужум қилганлар бир нечта ҳарбий транспорт воситаларига зарар етказганини билдирган. 

2014 йилдан буён Яманда ҳукумат кучлари ва исёнчи шиа ҳусийлари ўртасида қуролли тўқнашувлар давом этмоқда.