Япония тўртта жануби-ғарбий префектура Симанэ, Хиросима, Эхиме ва Коти ҳудудида Patriot PAC-3 ҳаво мудофааси мажмуаларини жойлаштиришни якунлади, деб хабар бермоқда NHK телеканали.

Таъкидланишича, Япония ўзини ўзи мудофаа қилиш кучлари Япон денгизга Aegis кузатув ва қаратиш тизими билан жиҳозланган кемаларни ҳам йўллаган.

Шу билан бирга, телеканалнинг қайд этишича, ҳаво мудофааси мажмуалари КХДР ракеталари парвози траекториясини аниқлаш мақсадида ўрнатилган. Мажмуалардан бири, дастлабки маълумотларга қараганда, ракеталар учиб ўтадиган жойда ўрнатилган.

Япон томонининг бу ҳаракатлари – Пхеньяннинг Гуам оролига қарата ракета учириш ҳақидаги баёнотларига жавобан амалга оширилди. Дастлабки маълумотларга кўра, ракеталар аввал Япония ҳаво ҳудудидан учиб ўтади.

«Биз аҳолимиз соғлиғи ва уларнинг мол-мулкини ҳимоя қилиш учун керакли барча ишни амалга оширамиз», - дея таъкидлаб ўтди Япония бош вазири Синдзо Абэ.