Ўзбекистоннинг ахлоқ-тузатиш муассасаларида жазо муддатини ўтаётганларга оила аъзолари билан видеомулоқот ўтказишга рухсат берилади. Ўзбекистон  Республикаси Президенти томонидан имзоланган «Ички ишлар идораларининг озодликдан маҳрум қилиш билан боғлиқ жазоларни ўташ соҳасидаги фаолиятини тубдан такомиллаштириш чоралари тўғрисида»ги қарорда шу ҳақда сўз боради.

Қарордан келиб чиқадиган вазифалар Жазони ижро этиш бош бошқармасига босқичма-босқич тарзда Ахборот технологиялари ва коммуникациялар вазирлиги томонидан таъминланади. 

ИИВ жорий йил 1 декабргача жазони ўташ муассасаларида ахборот тахталари ва бошқа техник воситалар билан танишиш, Ўзбекистонда авф этиш масалаларига ойдинлик киритувчи маълумотларни жойлаштириши керак.