Марокашда тилларга ўргатувчи Morrocan мактаби Касабланка кўчаларида маҳаллий аҳоли орасида норозиликка сабаб бўлган реклама шитларини ўрнатди, деб хабар бермоқда Al-Arabiya телеканали.

Рекламада бошига тўппончани йўналтирган одам қиёфаланган ва “Агар сиз ҳали ҳам инглизчада гаплашмаётган бўлсангиз (давоми арабчада – таҳр.) ўзингизни ўлдиринг”  деган ёзув битилган.

Таъкидланишича, пойтахт Касабланка аҳолиси ва раҳбарияти норозилик билдиргандан кейин мактаб ўз эълонини олиб ташлаб, узр келтирган.