Ернинг йўлдоши Ойда яқин орада уяли алоқа пайдо бўлиши мумкин. Ойда илк мобил алоқа станциясини 2018 йилда қуриш режалаштирилмоқда.

Part Time Scientists номли стартап Ой сиртида LTE уяли алоқасини йўлга қўйиш бўйича режасини ишлаб чиқмоқда. Бу алоқа компания роверларига (луноходларига) пул ва захираларни тежаган ҳолда Ердаги жамоа билан мулоқот қилишга имкон беради.

Ойда сигнал нуқтасини яратиш учун унга воситаларни етказишда Falcon 9 ракетасидан фойдаланилади.

Немис стартапи SpaceX компанияси билан ўзининг Alina коинот кемасини фазога юбориш бўйича шартнома тузган. Кема Ойга қўнганда, Audi Lunar Quatro rovers луноходи Ойда “Aполлон-17” кемаси миссияси қўнган жойга қўндирилади.

Space.com’да бу ҳақда берилган хабарга кўра, компанияда Ойда LTE тизимини ёйиш бўйича Vodafone билан шартнома мавжуд. Alina’нинг ўзи эса иккита ровер алоқасини қўллаб-қувватлаб, сўнгра маълумотларни Ердаги жамоага юборадиган базавий станция бўлиб хизмат қилади.