Ироқ ИШИД террорчилик гуруҳи назорати остида бўлган Талл-Афор шаҳрини бомбардимон қилишни бошлади. Бу ҳақда Reuters Al Sumaria телеканалига асосан хабар қилмоқда.

Ироқ мудофаа вазирлиги вакилининг телеканалга хабар беришича, шаҳарда ер усти амалиёти бомбардимон тугаши билан бошланади.

Талл-Афор Мўсулдан 80 километр ғарбда жойлашган. Таъкидланишича, у Ироқ армиясининг мамлакатни ИШИД жангариларидан озод этиш бўйича амалиётида навбатдаги нишонга айланди.

Аввалроқ Россия Ироққа Т-90 танкларини етказиб беришни бошлаши хабар берилганди.