18:15 / 16.08.2017
56755

Samarqandda Islom Karimov haykali o‘rnatildi

Foto: Kun.uz

Samarqandning sobiq Yo‘lbarslar xiyobonida O‘zbekiston Respublikasining Birinchi Prezidenti Islom Karimov haykali qad rostladi. Ayni paytda haykal postamenti va uning oldidagi maydonda so‘nggi pardoz ishlari olib borilmoqda.

Qurilish ishlarida qatnashayotgan ishchilarning KUN.UZga ma'lum qilishlaricha, haykal kecha kechasi Toshkentdan olib kelingan. Uning bo‘yi 5,8 metr bo‘lib, 5,5 metr balandlikdagi postamentga o‘rnatilgan va usti oq mato bilan to‘sib qo‘yilgan.

Ilgariroq I.Karimovning ikki haykali yasab bo‘lingani haqida xabarlar tarqalgan edi. Samarqandda o‘rnatilgan haykalda I.Karimov plashchda tasvirlangan.

Tasdiqlanmagan ma'lumotlarga ko‘ra, Samarqanddagi haykalning ochilish marosimi 25 avgust kuni bo‘lib o‘tadi. Shu kuni Samarqandda «Sharq taronalari” XI xalqaro musiqa festivali ham ochiladi.

 

Top