10:08 / 17.08.2017
16579

Nyu-Yorkda Trampning noodatiy haykali o‘rnatildi (foto)

Nyu-Yorkning Manxettenidagi xiyobonda AQSh prezidenti Donald Trampning noodatiy haykali o‘rnatildi. U o‘tirgan holda kabutarlarni tvitlar bilan boqayotgani tasvirlangan, deb xabar bermoqda Newsweek.

Ta'kidlanishicha, haykal loy va shunga o‘xshash materiallardan tayyorlangan. Uning muallifi - Aleks Gardega.

Uning so‘zlariga ko‘ra, haykal Amerika prezidentini na qo‘llab-quvvatlash va na qoralashni maqsad qilgan.

«Meni shunchaki uning tvitlari kuchi hayratga soladi. Bu deyarli san'at, bu kishilarning aqlini o‘g‘rilaydi», - deya ma'lum qildi Gardega.

Avvalroq Trampning birgina tviti Amazon’ning deyarli 6 mlrd dollar yo‘qotishiga sabab bo‘lgani xabar berilgandi.

Mavzuga oid
Top