Европа Лигасининг плей-офф босқичида «Милан» «Сан-Сиро»да Македониянинг «Шкендия-79» клубини қабул қилиб йирик ғалабага эришди. Россонерилар рақиб дарвозасига жавобсиз 6 гол йўллашган, голлар муаллифлари Андре Силва (2), Риккардо Монтоливо (2), Фабио Борини ва Лука Антонелли бўлишди.

Қайд этиш керакки, «Милан» халқаро майдонда бундай йирик ғалабага охирги марта 1993 йилда эришганди. Ўшанда Чемпионлар лигаси доирасида «Копенҳаген»га қарши учрашувда ҳам 6:0 ҳисоби қайд этилган.

Франциянинг «Марсель» клуби Словенияга сафар қилиб, «Домжале» билан дуранг ўйнади (1:1). Ўйин бошида Амедей Ветрих мезбонларни олдинга олиб чиқди, аммо иккинчи бўлим давомида Морган Сансон ҳисобни тенглаштирди.

Европа Лигаси саралаши доирасидаги бошқа баҳсларда «Легия» «Шериф» билан муроса кўчасини танлади (1:1), «Аустрия» «Осиек»ни мағлуб этди (2:1).

Жавоб учрашувлари 24 август кунига белгиланган.

Европа лигаси, плей-офф босқичи, дастлабки ўйинлар
Милан Италия – Шкендия-79 Македония 6:0 (3:0, 3:0)
Голлар: 1:0 – 13 Андре Силва, 2:0 – 25 Монтоливо, 3:0 – 27 Андре Силва, 4:0 – 67 Борини, 5:0 – 68 Антонелли, 6:0 – 85 Монтоливо.
Милан – Доннарумма, Бонуччи, Сапата, Конти (Абате, 69), Антонелли, Чалханоглу (Бонавентура, 61), Кессиэ, Борини, Монтоливо, Сусо (Кутроне, 75), Андре Силва.
Шкендия-79 – Захов, Бейтулаи, Цуцули, Челикович (Текья, 64), Хасани, Тодоровски, Алими, Тотре, Абдурахими (Бойку, 70), Ибраими, Радески (Шефити, 82).
Огоҳлантиришлар: Цуцули (54), Бонавентура (84).

Домжале Словения – Марсель Франция 1:1 (1:0, 0:1)
Голлар: 1:0 – 12 Ветрих, 1:1 – 63 Сансон.
Домжале – Милич, Широк, Блажич, Клеменчич, Балковец, Хусмани, Репас, Бизяк (Ожболт, 88), Ветрих, Ибричич (Жужек, 90), Фирер (Франьич, 73).
Марсель – Манданда, Рами, Эвра, Сакаи, Сертич, Лопес (Замбо-Ангисса, 84), Луис Густаво, Окампос, Сансон, Товен (Н`Жи, 75), Жермен (Кабелла, 87).
Огоҳлантиришлар: Балковец (77), Кабелла (90), Эвра (90).

Легия Польша – Шериф Молдова 1:1 (0:0, 1:1)
Голлар: 1:0 – 76 Хямяляйнен, 1:1 – 87 Баяла.
Легия – Маляж, Домбровски, Глоушек, Енджейчик, Паздан, Мулен, Мончиньски, Гильерме (Кухарчик, 24), Шиманьски, Садику (Хямяляйнен, 56), Надь (Илдеберту, 71).
Шериф – Микулич, Кулушич, Посмак, Сушич, Баяла, де Нойер (Балима, 87), Трипич (Маседа, 64), Брезовец (Домашкан, 84), Бадибанга, Антон, Кристиано.
Огоҳлантиришлар: Паздан (27), Брезовец (49), Глоушек (59), Кристиано (70).

Осиек Хорватия – Аустрия Австрия 1:2 (1:1, 1:2)
Голлар: 1:0 – 15 Эюпи, 1:1 – 26 Моншайн, 1:2 – 59 Хольцхаузер.
Осиек – Маленица, Бочкай, Шкорич, Баришич, Миоч (Ямбор, 73), Шорша, Лепа, Лесяк, Грезда (Перошевич, 72), Эюпи, Петрович (Пушич, 46).
Аустрия – Хаджикич, Муҳаммад, Марчинко, Ларсен, Вестерманн, Хольцхаузер, Зербест, Де Паула (Канкола, 90), Прокоп (Таджури, 86), Пирес, Моншайн (Фризенбихлер, 78).
Огоҳлантиришлар: Петрович (4), Лепа (35), Де Паула (40), Пирес (68).