O‘zbekiston MTRK raisiga yangi birinchi o‘rinbosar tayinlandi

Bahodir Yunusov O‘zbekiston Milliy teleradiokompaniyasi raisining birinchi o‘rinbosari lavozimiga tayinlandi. Bu haqda Kun.uz manbasi xabar berdi.

Xabar qilinishicha, Yunusov bu lavozimda “O‘zbekiston” telekanali direktori lavozimiga o‘tkazilgan Xayrulla Nuriddinovni almashtirdi.

Bahodir Yunusov bundan avval ko‘p yillar davomida O‘zbekiston MTRK tizimida turli lavozimlarda faoliyat ko‘rsatgan, so‘ng Vazirlar Mahkamasining departamentlaridan birida ham ishlagan.

Eslatib o‘tamiz, shu oy boshida MTRK rahbariyatida o‘zgarish ro‘y bergan, Xurshid Mirzohidov raislikdan ketib, uning o‘rniga Bobur Alixonov tayinlangandi.