Россия премьер-лигасининг 7-туридан ўрин олган марказий учрашувда Москванинг «Спартак» клуби «Локомотив»ни қабул қилди.

Учрашувнинг биринчи бўлимида мезбонлар иккита гол киритиб, ҳисобда олдинга чиқиб олишганди. Бироқ бўлим сўнггида Александр Самедов симуляция ишлатгани сабаб, иккинчи сариқ карточка олиб майдонни тарк этиши ўйинда туб бурилиш ясади.

«Темирйўлчилар» бош мураббийи иккинчи бўлим арафасида бир неча ўзгаришларни амалга оширди. Жумладан Ўзбекистон терма жамоасига номзод бўлган Виталий Денисов ҳам бўлим бошидан майдонга туширилди. Натижада бу ўзгаришлар ўзини оқлади ва жамоа нафақат ҳисобни тенглаштиришга, балки 4:2 ҳисобида олдинга чиқиб олишга ҳам улгурди. Квинси Промеснинг ҳисобни қисқартирувчи голи эса амалдаги чемпионларга ҳеч қандай умид бермади.

Ушбу ғалабадан кейин «Локомотив» ҳисобидаги очколар сони 16тага етди ва жамоа турнир жадвалида карвонбошига айланиб олди. Виталий Денисов эса май ойида белидан олган жароҳатидан уч ойга яқин вақт ўтиб илк марта захирадан майдонга тушди ва 45 дақиқа давомида майдонда тўп сурди.

Турнинг яна бир учрашувида «Урал» ЦСКАни қабул қилиб нурсиз дуранг қайд этди.

Россия премьер-лигаси, 7-тур

Спартак – Локомотив 3:4 (2:0)
Голлар: Глушаков (30), Луис Адриано (43), Промес (90+2) – Баринов (48), Миранчук (68), Коломейцев (83), Фернандеш (90+1).
Спартак: Селихов, Боккетти, Ташчи, Ещенко, Комбаров, Пашалич (Фернандо, 73), Глушаков, Ананидзе (Мельгарехо, 46), Самедов, Промес, Луис Адриано.
Локомотив: Гильерме, Пейчинович, Кверквелия, Рибус (Денисов, 46), Миранчук, Баринов (Коломейцев, 78), Фернандеш, Тарасов (Миранчук, 46), Фарфан, Денисов, Игнатьев.
Огоҳлантиришлар: Самедов (27), Миранчук (59), Фернандеш (63), Игнатьев (72).
Четлатиш: Самедов (45, Спартак).

Урал – ЦСКА 0:0
Урал: Годзюр, Кулаков, Ароян, Балажиц, Меркулов, Фидлер (Портнягин, 82), Бавин (Емельянов, 68), Чантурия, Бикфалви, Григорьев (Евсеев, 61), Ильин.
ЦСКА: Акинфеев, Васин, Игнашевич, Березуцкий, Фернандес, Вернблум, Натхо, Набабкин, Головин (Миланов, 82), Оланаре (Витиньо, 52), Дзагоев (Чалов, 64).
Огоҳлантиришлар: Дзагоев (44), Набабкин (64), Евсеев (89).