Каталония полицияси Барселонадаги терактни амалга оширишда гумонланаётган шахслардан бирини ҳамон қидирмоқда. Бу ҳақда Reuters маҳкама расмий вакили Альберт Оливага асосан хабар берди.

Унинг сўзларига кўра, 22 ёшли Юнус Абуёқуб ҳамон қидирувда.

Шунингдек, полициядагилар Альканар шаҳридаги террорчилар бошпанасида неча киши ҳалок бўлгани юзасидан аниқ маълумот тақдим эта олмаган.

«Балки бир, икки ёки уч», - деган ҳуқуқни муҳофаза қилиш идораси вакили.

Аввалроқ Испанияда террорчилар яширинган жойдан уч жасаднинг қолдиқлари топилгани хабар берилганди.