Forbes журнали 2017 йилда энг кўп ҳақ тўланувчи актёрлар номини маълум қилди.

Рўйхатнинг биринчи ўрнидан 2017 йилда 68 млн доллар ишлаб топган Марк Уолберг жой олди.

Иккинчи поғонада Дуэйн Жонсон (65 млн доллар), учинчи – Вин Дизель (54 млн доллар).

Кейинги ўринлардан Адам Сэндлер (50 млн доллар), Жеки Чан (49 млн доллар), кичик Роберт Дауни (48 млн доллар) ва Том Круз (43 млн доллар) жой олган.

Илк ўнликда Болливуд вакиллари ҳам бор. Саккизинчи поғонада Шохруҳ Хон (38 млн доллар), ундан пастки ўринларда Салмон Хон (37 млн доллар) ва Акшай Кумар (35 млн доллар) қайд этилди.

Рейтингда Крис Хемсворт (31,5 млн доллар), Том Хэнкс (31 млн доллар) ва Сэмюэл Жексон (30,5 млн доллар) ҳам бор.

«Ла-ла-ленд» фильми юлдузи Райан Гослинг 29 млн доллар ишлаб топди ва Forbes рўйхатининг 14-ўрнидан жой олди. 

Рўйхатнинг энг охирги ўрнини 13 млн долларлик натижа билан Марк Руффало эгаллади.

Аввалроқ Forbes журнали 2017 йилнинг энг катта ҳақ олувчи актрисаларини эълон қилганди.