Пентагон раҳбари Жеймс Мэттис эълон қилинмаган ташриф билан Ироққа келди. Бу Талл-Афор шаҳрини террорчилардан озод қилиш бўйича амалиёт бошланганидан бир неча кундан сўнг юз берди, деб хабар бермоқда Reuters.

Таъкидланишича, АҚШ мудофаа вазири Ироқ етакчилари билан ИШИД террорчилик гуруҳига қарши курашнинг кейинги қадамлари ҳақида музокаралар ўтказади.

Аввалроқ Мэттис ИШИД билан кураш ҳали якунига етишига анча вақт борлиги ҳақида ОГОҲЛАНТИРГАНДИ.

Талл-Афорни ИШИДдан озод этиш бўйича амалиёт Ироқ ҳарбий кучлари томонидан 20 август куни бошланди. У Мўсулдан 80 километр ғарбда жойлашган.