АҚШ Афғонистон муаммосини ҳал этиш мақсадида Ҳиндистон билан алоқаларни фаоллаштирмоқчи. Бу ҳақда мамлакат президенти Доналд Трамп Виржиния штатида халқ ва армияга мурожаатида маълум қилди.

«АҚШнинг Жанубий Осиёдаги стратегиясининг муҳим қисми – дунёдаги энг йирик демократия ва Қўшма Штатларнинг муҳим иқтисодий ҳамда мудофаа порти бўлган Ҳиндистон билан стратегик шерикликни янада ривожлантиришдир», - деган Трамп.

Унинг сўзларига кўра, Ҳиндистон «АҚШнинг хавфсизлик соҳасидаги муҳим ҳамкоридир» ва Вашингтон «бу мамлакатнинг Афғонистонда тинчлик ўрнатиш ишларидаги ҳиссасини муносиб қадрлайди».

Шу билан бирга у АҚШ расмий Деҳли Афғонистон муаммосини ҳал этишда фаолроқ бўлишини, айниқса, иқтисодий ёрдам соҳасида фаолликни оширишини исташи ҳақида айтган.