18:29 / 23.08.2017
8291

Xorazmda jinoyatchilikka qarshi yoshlar aksiyasi bo‘lib o‘tdi

Xorazmda «Biz yoshlar Xorazm viloyatini jinoyatchilik va huquqbuzarliklardan xoli hududga aylantiramiz» mavzuidagi yoshlar aksiyasi o‘tkazildi. Ushbu tadbir Yoshlar ittifoqi Xorazm viloyati Kengashi va Xorazm viloyati IIB hamkorligida bo‘lib o‘tdi. Bu haqda KUN.UZ manbasi xabar bermoqda.

Mazkur aksiyada O‘zbekiston Respublikasi Prezidentining Davlat maslahatchisi Otabek Murodov va Xorazm viloyati hokimi Po‘lat Bobojonov ma'ruzasi tinglandi. «Qonunga itoat - vatanga sadoqat» shiori ostida ham aksiya o‘tkazamiz!”, dedi Prezident Davlat maslahatchisi Otabek Bahriddinovich o‘z ma'ruzasida.

Yoshlar aksiyasida, shuningdek, O‘zbekiston yoshlar ittifoqi Xorazm viloyati Kengashi murojaatini «Zulfiya» nomidagi Davlat mukofoti sohibasi Ruxsora Masharipova o‘qib eshittirdi:

«...barchamiz ulug‘ maqsadlar yo‘lida bir jonu bor tan bo‘laylik, uyimizni begonalarga bermaylik, illatlar, huquqbuzarliklarga qarshi turaylik! Axir bu Vatan, shu mo‘'jazgina uyimiz bizniki - o‘zimiznikidir!»

Aktsiyada Vatan taraqqiyotiga hissa qo‘shishni o‘zlariga oliy maqsad qilgan vatandoshlarimiz qatorida xorazmlik yoshlar ham «Harakatlar strategiyasi» ko‘krak nishoniga munosib ko‘rildi.

Top