Европа чемпионлар лигасининг сўнгги саралаш босқичи плей-офф раундининг яна бешта учрашув ўтказилди ва гуруҳ босқичида иштирок этадиган барча жамоалар номи аниқ бўлди.

Англияда «Ливерпуль» «Ҳоффенҳайм»ни қабул қилиб, 4:2 ҳисобида ғалаба қозонди ва премьер-лигадан ЕЧЛ гуруҳ босқичида иштирок этадиган бешинчи жамоа бўлди. Бу Англия футболи тарихидаги янги натижа бўлди. Сабаби ЕЧЛ гуруҳ босқичида илк марта АПЛнинг бешта жамоаси иштирок этадиган бўлди.

Шунингдек, яна бир тарихий натижани Озарбойжон жамоаси қайд этди. «Копенҳаген» меҳмони бўлган «Қорабоғ» жамоаси 1:2 ҳисобида имкониятни бой беришига қарамай, ўз уйидаги 1:0 ҳисобидаги ғалаба эвазига гуруҳ босқичи йўлланмасини қўлга киритди. Бу Озарбойжон жамоасининг ЕЧЛ гуруҳ босқичига илк марта йўл олиши бўлди.

Бундан ташқари Португалиянинг «Спортинг» клуби меҳмонда «Стяуа» йирик ҳисобда енгиб, вазифани уддалаган бўлса, ЦСКА «Янг Бойз»ни бу сафар ҳам мағлуб этиб, кетма-кет бешинчи мавсум гуруҳ босқичида иштирок этадиган бўлди. Кипрнинг АПОЭЛ жамоаси эса меҳмонда дуранг ўйнади ва ўз уйидаги ғалаба эвазига гуруҳ босқичида қатнашадиган бўлди.

Шу билан ЕЧЛнинг гуруҳ босқичида иштирок этадиган барча 32 жамоа номи аниқ бўлди. 24 август куни Тошкент вақти билан 21:00да гуруҳ босқичига қуръа ташлаш маросими бўлиб ўтади.

ЕЧЛ, Плей-офф раунди
Жавоб учрашувлари

Ливерпуль (Англия) – Ҳоффенҳайм-1899 (Германия) 4:2 (3:1)
Голлар:
 Чан (10, 21), Салоҳ (18), Фирмино (63)  –  Ут (28), Вагнер (79).
Ливерпуль: Миньоле, Матип, Морено, Александер-Арнолд (Гомес, 65), Ловрен, Фирмино, Вейналдум, Салоҳ, Чан (Милнер, 70), Мане (Клаван, 88), Ҳендерсон.
Ҳоффенҳайм-1899: Бауманн, Фогт, Ҳюбнер, Кадержабек (Толян, 64), Гайгер, Цубер, Демирбай, Нордтвейт (Ут, 24), Гнабри (Салаи, 56), Крамарич, Вагнер.
Огоҳлантиришлар: Гайгер (30), Кадержабек (37), Хендерсон (45), Фогт (51), Хюбнер (90).
Дастлабки учрашув: 2:1

Стяуа (Руминия) – Спортинг (Португалия) 1:5 (1:1)
Голлар:
 Жуниор (20) – Думбия (13), Акунья (59), Желсон Мартинш (64), Дост (75), Батталья (88).
Стяуа: Ницэ, Попеску, Момчилович, Жуниор, Энаке, Ларие, Филипе Тейшейра, Филип, Будеску (Тэнасе, 46), Голофка (Гноэре, 62), Алибек (Ман, 81).
Спортинг: Руй Патрисиу, Коатес, Коэнтрау, Пиччини, Матье, Акунья, Батталья, Фернандеш, Адриен Силва (Петрович, 72), Желсон Мартинш (Бруно Сезар, 80), Думбия (Дост, 59).
Огоҳлантиришлар: Фернандеш (35), Попеску (35), Филип (41).
Дастлабки учрашув: 0:0

Копенҳаген (Дания) – Қорабоғ (Озарбойжон) 2:1 (1:0)
Голлар:
 Сантандер (45) Павлович (66) – Ндлову (63).
Копенҳаген: Ольсен, Люфтнер, Бенгтссон, Анкерсен, Бойлесен, Куск (Аманкво, 68), Грегуш, Квист (Туту, 79), Вербич, Павлович, Сантандер (Сотериу, 70).
Қорабоғ: Шехич, Жезничак, Аголи, Медведев, Гусейнов, Ришард (Юнусзода, 90), Гараев, Мичел, Герье (Исмаилов, 12; Садиғов, 80), Мадатов, Ндлову.
Огоҳлантиришлар: Люфтнер (4), Мичел (44), Жезничак (75), Анкерсен (77), Туту (86).
Дастлабки учрашув: 0:1

ЦСКА (Россия) – Янг Бойз (Швейцария) 2:0 (1:0)
Голлар:
 Щенников (45), Дзагоев (64).
ЦСКА: Акинфеев, Березуцкий, Березуцкий, Щенников, Васин, Дзагоев (Натхо, 68), Головин, Вернблум, Фернандес, Витиньо, Чалов (Жамалетдинов, 74).
Янг Бойз: фон Балльмос, Нуху, фон Берген, Мбабу, Бенито (Лотомба, 74), Бертоне, Сулеймани, Раве (Фасснахт, 73), Саного, Ассале, Нсаме.
Огоҳлантиришлар: Дзагоев (48), Ассале (50), Березуцкий (59), Нуху (79).
Дастлабки учрашув: 1:0

Славия (Чехия) – АПОЭЛ (Кипр) 0:0
Славия:
 Лаштувка, Нгаде-Нгаджуи, Югас, Фридрих, Гушбауэр, Соучек, Ротань (Мешанович, 60), Данни (Сикора, 71), Стох (Змргал, 46), ван Бурен, Боржил.
АПОЭЛ: Ватерман, Руэда, Лаго, Миланов, Карлао, Эфрем (Бертольо, 46), Винисиус, Нуну Мораиш, Алонефтис (Фариас, 76), Эбесилио (Меркис, 82), де Камарго.
Огоҳлантиришлар: Гушбауэр (19), Винисиус (21), де Камарго (39), Мешанович (61), Соучек (80).
Дастлабки учрашув: 0:2.