Fitch халқаро агентлиги АҚШнинг суверен рейтингини қайта кўриб чиқиши мумкин. Бу ҳолат агарда Америка ҳукумати давлат қарзи лимитининг оширилиши бўйича ўз вақтида келишувга эришмаса, рўй беради, дейилади агентлик матбуот релизида.

Fitch’нинг таъкидлашича, бундай ҳаракатлар мамлакатнинг энг юқори рейтинги - «AAA»га мос келмаслиги мумкин.

АҚШ Конгресси 2018 йилда давлат идоралари фаолиятини молиялаштириш даражаси бўйича бир қарорга келиши керак. Хусусан, бу октябрда ҳукумат ўз ишини вақтинчалик тўхтатмаслиги учун лозим. 

Конгресснинг навбатдаги сессияси 5 сентябрь куни бошланади.

Аввалроқ, Fitch агентлиги жаҳон иқтисодиёти ўсиш суръатларини қайта баҳолагани хабар берилганди.