«Монако» ҳужумчиси Килиан Мбаппе «Пари Сен-Жермен» ёки «Реал»га ўтади.

Парижликлар жамоаси 18 ёшли бу футболчи трансфери учун музокараларни давом эттирмоқда, аммо «Монако» рақибни кучайтиришни истамаяпти ва футболчини «Реал»га сотмоқчи.

The Telegraph хабарига кўра, «Монако» Мбаппени 180 миллион еврога баҳолаган. Жамоада шунингдек, футболчини яна бир мавсумга олиб қолиш режаси мавжуд. Парижликлар ушбу футболчини катта пулга сотиб олиш орқали молиявий фэйр-плей қоидасини бузиш эҳтимоли мавжуд, лекин жамоа вариантларни кўриб чиқмоқда.

«Реал» Мбаппе трансферини кейинги йилга қолдириши ҳам мумкин. Жамоа бош мураббийи ёш футболчига ҳозирги таркибда жой топиб бера олмаслигини айтган.

Қайд этиш керакки, ёш футболчини бош мураббий Леонарду Жардим машғулотлардан четлатган, у жамоа ўйинларида қатнашмаяпти.