Германия канцлери Ангела Меркелнинг маълум қилишича, икки йил аввал ГФРга кўплаб мигрантларнинг киришига имкон бериб, тўғри қарор қабул қилган, бироқ Европа ўшандан бери қочқинлар масаласида катта ўзгаришга эришмади. Бу ҳақда Associated Press хабар бермоқда.

«Европа ўшандан бери ўзининг уй вазифасини бажаргани йўқ», - деди Меркель. Унинг таъкидлашича, қитъа ўз бирдамлигини намойиш этишда танлов асосида иш юритиши керак эмас. 

Аввалроқ Меркель Туркия билан муносабатлар қай шартда тикланишини айтганди.