«Барселона»нинг собиқ футболчиси Неймар «Ливерпуль» ярим ҳимоячиси Филиппе Коутиньога каталонлар клубига ўтмасликни маслаҳат қилди. Бу ҳақда Estadao хабар тарқатди.

«ПСЖ» футболчиси ўз ватандошига «Ливерпуль»да қолишни тавсия этган.

Айни вақтда Неймар ва Коутиньо Бразилия терма жамоаси сафида ЖЧ-2018 саралаши доирасидаги ўйинларда қатнашиш учун йиғинда бўлиб турибди.

Неймар шу йил ёзида «Барселона»ни тарк этгач, бу жамоа раҳбарияти ва мухлислар билан муносабатларда муаммоларга дуч кела бошлади.

Бундан аввалроқ Бразилия терма жамоаси врачи Мишель Cимони Коутиньода ҳеч қанақа жароҳат ёки касаллик йўқлиги, у Испанияга йўл ололмаётгани учун тушкунликка тушгани ҳақида айтиб берганди.