AQSh Erdo‘g‘anning 15 nafar tansoqchisiga ayblov e'lon qildi

AQSh sudi Turkiya jumhuriyati prezidenti Rajab Toyyib Erdo‘g‘an tansoqchilarini shu yilning may oyida Vashingtondagi tartibsizliklarda ishtirok etganlikda aybladi. Bu haqda Kolumbiya okrugi prokuraturasi xabarida ma'lum qilinmoqda. 

Kanada va AQShning ikki nafardan fuqarosi ham "shaxs ustidan zo‘ravonlik qilish uchun til biriktirish"da ayblanmoqda. Hujjatda ta'kidlanishicha, 19 nafar ayblanuvchi may oyidagi tinch namoyishlarda "xavfli quroldan foydalangan holda hujum uyushtirgan" va "namoyishchilarni oyoqlari bilan tepgan". Ularga 15 yilgacha qamoq jazosi tahdid solmoqda. 

16 may kuni Turkiya elchixonasining AQShdagi binosi yaqinida Anqaradagi hozirgi hukumatga tarafdorlar va qarshilar o‘rtasida to‘qnashuv yuz bergan edi. Bu vaqtda Erdo‘g‘an shu yerda bo‘lgan. Buning natijasida 9 kishi jabrlandi, ularning 2 nafari jiddiy jarohatlangan.