07:34 / 30.08.2017
5299

Xyustonda toshqinlar sababli komendantlik soati kiritildi

Foto: AFP

AQShning yirikligi bo‘yicha 4-shahri bo‘lgan Xyustonda “Harvi” dovuli olib kelgan toshqinlar sababli komendantlik soati kiritildi. Bu haqda shahar meri Silvestr Terner va politsiya shefi Art Asevedo matbuot anjumanda ma'lum qildilar. 

Komendantlik soati soat 22dan soat 5gacha amal qiladi. Merning aytishicha, komendantlik soati toshqin tufayli tashlab ketilgan uylarda o‘g‘irlik va suv ostida qolgan yo‘llarda haydovchilar bilan baxtsiz hodisalar yuz bermasligining oldini olish maqsadida kiritilmoqda.   

“Komendantlik soati unga zarurat qolmaguncha amal qiladi”, deb aytgan shahar meri.

Aholisi 6,5 mln dan ko‘proq bo‘lgan Xyuston dovul oqibatida toshqinlarga duch keldi. “Harvi” dovuli 2005 yildagi “Katrina” dovulidan keyin AQSh hududida oxirgi 12 yil ichida sodir bo‘lgan eng vayronkor dovul bo‘ldi. 

Mavzuga oid
Top