Украинанинг ЕИдаги вакили Николай Точицкий Европа Комиссиясига мурожат қилиб, ЕК раҳбари Жан-Клод Юнкер сўзлари бўйича изоҳ беришни сўради. Юнкер Украинанинг НАТО ва ЕИга аъзо бўлиши ҳақида ўз фикрларини билдирган эди, деб хабар қилмоқда УНИАН.

ЕК раиси Украина айни вақтда ЕИга ҳам НАТОга ҳам алоқаси йўқлигини айтган эди. 

Точицкийнинг баёнот беришича, у ЕКдан Юнкернинг элчилар билан Брюсселда ўтказган конференциясида айтган сўзлари юзасидан изоҳлар сўраган. У, шунингдек, Украинанинг Европа ҳамда Евроатлантика тузилмалари билан интеграцияга интилиши ўзгармаслиги ҳақидаги президент Пётр Порошенко сўзларини ёдга олган. 

Точицкийга кўра, у Еврокомиссиядаги ҳамкасбларига ўз хавотирларини билдирган, чунки  Юнкернинг сўзлари ОАВ томонидан «Украина ва Евроинтеграция йўлини обрўсизлантириш мақсадида қўлланилган».