«Лестер» футболчиси Риёз Маҳрез Барселона аэропортига келиб қўнди. Бу маълумот Франциядаги SFR Sport 1 телеканали томонидан хабар қилинди.

Бундан аввалроқ Жазоир футбол федерацияси ушбу хавбекка Европага қайтиш ва ўзининг янги жамоасига ўтиши бўйича жараённи якунлаш учун рухсат бергани маълум бўлганди.

ОАВ маълумотига кўра, Маҳрез «Барселона»га ўтишга розилик билдирган. Ушбу трансфер қиймати 50 млн еврога баҳоланган.

«Лестер» сафида Маҳрез 2014 йилдан буён тўп суриб келмоқда. Инглиз клуби сафида у 141 ўйинда майдонга тушган ва 35 гол уриб, 27 голга узатма берган.