Foto: Sport Ekspress
Angliya terma jamoasi sobiq yarimhimoyachisi Devid Bekhem «Real» hujumchisi Krishtianu Ronalduni o‘zining «Mayami» jamoasiga taklif qilmoqchi. Bu haqda A Bola nashri xabar tarqatdi.
Portugaliyalik futbolchining madridliklar bilan shartnomasi 2021 yilda nihoyasiga yetadi. Shartnoma tugagan vaqtda Ronaldu 36 yoshda bo‘ladi.
Mayami shahrida tashkil qilinayotgan jamoa hozircha MLSda ishtirok etmaydi. Bekhem jamoasining ligada ishtiroki klub uchun quriladigan stadionning loyihasini tasdiqlanishi va uning qurilishiga ruxsat berilishiga bog‘liq bo‘lib turibdi.
