АҚШнинг Калифорния штати губернатори Жерри Браун Лос-Анжелес округида ўрмон ёнғинлари туфайли фавқулодда ҳолат эълон қилди.

«Губернатор Лос-Анжелес округида Ла-Туна каньонидаги ёнғин оқибатлари туфайли фавқулодда ҳолат киритилиши ҳақида баёнот берди. Ёнғин минг гектар ерга зарар етказиб, уйлар, муҳим инфратузилмага хавф туғдирмоқда, шунингдек, инсонларнинг эвакуациясига сабабчи бўлди», - дейилади баёнотда.

Associated Press’нинг хабар қилишича, ёнғин оқибатида учта уй ёниб кулга айланган, 1 400 киши хавфсиз жойга кўчирилган.

Таъкидланишича, ёнғин майдони 20 минг квадрат метрга етди.