2018 йилги жаҳон чемпионати саралаши доирасида А гуруҳи вакиллари Франция ва Люксембург ўзаро 8-тур учрашувини ўтказишди. Тулуза шаҳридаги «Мунисипал» стадионида кечган учрашувда ҳисоб очилмади - 0:0. Франция 1914 йилдан буён илк марта Люксембургни енга олмади.

Лекин бу дуранг ҳам французлар жамоаси Швецияни қувиб ўтиб А гуруҳида биринчи ўринга чиқиши учун етарли бўлди. Люксембург очколари сони бўйича Беларусь билан тенглашди.

А гуруҳида 8 турдан кейинги вазият: 1. Франция – 17 очко; 2. Швеция – 16; 3. Нидерландия – 13; 4. Болгария – 12; 5. Люксембург – 5; 6. Беларусь – 5.

ЖЧ-2018 саралаши
Европа, 8-тур
Франция – Люксембург 0:0
(0:0, 0:0)
Франция – Льорис, Косьельни, Курзава, Сидибе, Умтити, Погба, Канте, Лемар, Жиру (Ляказетт, 60), Гризманн (Фекир, 81), Мбаппе (Коман, 59).
Люксембург – Жубер, Янс, Скендерович, Мальже, Мартинш Перейра, Яниш, Тилль, Филиппс, Тилль (Родригес, 59), Да Мота (Синани, 59), Турпель (Хольтер, 87).
Огоҳлантиришлар: Яниш (51), Синани (65), Янс (69), Погба (80).