Foto: Barca.pl
«Barselona» hujumchisi Lionel Messi klub bilan shartnomasini uzaytirmasligining sabablari ma'lum bo‘ldi. Bu haqda AS nashri xabar tarqatdi.
Manba bergan xabarga ko‘ra, argentinalik futbolchi klub prezidenti Jozep Mariya Bartomeuga nisbatan ishonchsizlik votumiga imzo yig‘adigan muddat davomida shartnomaga qo‘l qo‘ymoqchi emas. Agar Messi shartnoma imzolamay tursa, bu imzolarning yig‘ilishiga ta'sir o‘tkazishi mumkin bo‘ladi. Ishonchsizlik votumi uchun kamida 16 ming imzo kerak bo‘ladi.
Eslatib o‘tamiz, iyul oyining so‘nggida Bartomeu argentinalik futbolchi bilan yangi shartnoma bo‘yicha kelishuvga erishilganini xabar qilgandi. Biroq hozirgi kunga qadar Messi yangi shartnomaga qo‘l qo‘yganicha yo‘q.
