АҚШ бошчилигидаги халқаро коалиция Суриянинг Раққа шаҳрини озод қилиш бўйича амалиёт вақтида халқаро гуманитар ҳуқуқни бузган. Бу ҳақда РИА «Новости» БМТнинг Сурияда инсон ҳуқуқлари соҳасидаги жиноятларни тергов қилиш бўйича Мустақил халқаро комиссияси ҳисоботига асосан хабар бермоқда.

«Комиссия халқаро коалиция кучлари авиазарбаларининг тинч аҳоли вакиллари ҳаётига таъсиридан ташвишда. АҚШ кучлари Ал-Жиноҳ, Ҳалабда тинч аҳоли вакиллари ва фуқаролик инфратузилмасини масжидга ҳужум вақтида ҳимоя қилиш бўйича керакли чораларни кўрмаган. Бу халқаро гуманитар ҳуқуқнинг бузилиши саналади», - дейилади ҳисобот матнида.

Таъкидланишича, гап 2017 йилнинг 1 мартидан 7 июлига қадар бўлган давр ҳақида бормоқда. Ҳисобот муаллифларининг иддао этишича, бу вақт давомида 190 минг инсон ўз уйини мажбуран тарк этган, коалиция авиазарбалари кўплаб тинч аҳоли вакилларининг ўлимига сабаб бўлган.