BMT: Bangladeshga qochgan rohingya musulmonlari soni 300 minggachani tashkil qilishi mumkin

Myanmadan Bangladeshga qochgan rohingya millatiga mansub qochqinlar soni ayni vaqtda baholanayotganidan ikki barobar ko‘proq, ya'ni 300 minggachani tashkil qilishi mumkin. Bu haqda BMTning Butunjahon oziq-ovqat dasturining Bangladeshdagi vakili Dipayan Bxattachariyga iqtibos keltirgan holda Reuters axborot agentligi xabar bermoqda. 

Avvalroq 146 ming rohingya-qochqinlari haqida xabar qilinayotgandi.

Bundan kelib chiqib, Butunjahon oziq-ovqat dasturi 4 oy davomida 300 ming qochqinni yuqori kaloriyali biskvit va guruch bilan ta'minlash uchun qo‘shimcha 13,3 mln dollar mablag‘ga ehtiyoj sezadi.