Qibray tumanida, 2016 yilning aprel oyida Surxondaryo viloyatida yashovchi 1991 yilda tug‘ilgan Z.D. aldash yo‘li bilan, Qibray tumanida yashovchi 1990 yilda tug‘ilgan A.Q.ning ishonchini suiste'mol qilib, unga tegishli «VAZ-21074-110-30» rusumli d/b 10 D 925 NA avtoulovini har oyda bo‘lib-bo‘lib to‘lash sharti bilan jami 4.000 AQSh dollari evaziga sotib olishini aytib, avtoulovni qo‘lga kiritib, avtoulovni boshqa bir shaxsga 750 AQSh dollariga sotib yuborgan. Bu haqda Toshkent viloyati IIB xabar berdi.
Ushbu holat yuzasidan Z.D.ga nisbatan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atildi. Tergovni IIB olib bormokda.
