Австралия бош вазири Малколм Тёрнбуллнинг маълум қилишича, ҳукумат КХДРга яқин жойлашган давлатлардан фуқароларини эвакуация қилиш имкониятларини кўриб чиқмоқда.

Бош вазир 9News телеканалига берган интервьюсида, Австралиянинг хорижда яшовчи фуқароларига маълумотлар билан таъминловчи сайтда рўйхатдан ўтишни маслаҳат берди.

«Бу биринчидан, биз сизлар у ерда эканлигингизни билишимиз, иккинчидан эса – фавқулодда ҳолат пайтида алоқада бўлишингиз учун керак», - дея қўшимча қилиб ўтди у.

Аввалроқ Тёрнбулл жаҳон ҳамжамиятига КХДР бўйича чақириқ билан чиққанди.