Россия президенти Владимир Путин ёрдамчиси Юрий Ушаковнинг маълум қилишича, Саудия Арабистони подшоҳи Салмон Абдул Азиз Ол Сауд яқин орада Москвага келади. Бу ҳақда РИА «Новости» хабар бермоқда.

«Ташриф октябрь ойининг бошларига режалаштирилмоқда», - дея аниқлик киритган у. Шу билан бирга, Ушаков ташриф ҳақида ва унинг давомида қандай масалалар муҳокама қилиниши бўйича батафсил маълумот бермаган.

Аввалроқ Саудия Арабистони подшоҳи 2018 йил бошида АҚШга ташриф буюриши ҳақида хабар қилинганди.