Буюк Британия ТИВ раҳбари Борис Жонсон Эстонияга сафари давомида танкда "сайр" қилди, деб ёзмоқда Telegraph.

Вазир Тападаги Британия қуролли кучлари бирлашмаларининг қисмларидан бирида танкда ўтиргани тасвирланган сурат эълон қилинди.

Нашрнинг таъкидлашича, Жонсон танкда “сайр” қилиб кўрган британиялик биринчи сиёсатчи эмас. 1986 йилнинг сентябрида Буюк Британия бош вазири Маргарет Тэтчер Германияга сафари давомида Британия танкига чиққани суратга туширилганди.

Жорий йилнинг июлида Борис Жонсон Буюк Британия брекситдан сўнг Осиёга кўпроқ эътибор қаратиши ҳақида айтиб ўтганди.