Қозоғистоннинг Чимкент шаҳрида ЙТҲ оқибатида Ўзбекистон фуқароси ҳалок бўлди, яна уч киши жабрланди. Бу ҳақда Kazakhstan Today хабар бермоқда.

ЙТҲ 7 сентябрь куни Енбекшин туманида юз берган. Полициячиларнинг аниқлашича, Авезов ва Алибеков кўчалари кесишмасида соат тахминан 05.30ларда 24 ёшли ҳайдовчи бошқарувидаги БМВ ва "Дэу Нексия" автомашиналари тўқнашиб кетган.

Полиция маълумотига кўра, ҳодиса жойида "Дэу Нексия"нинг 27 ёшли йўловчиси бўлган Ўзбекистон фуқароси ҳалок бўлди. Ўзбекистоннинг 27 ва 26 ёшли яна икки фуқароси турли жароҳатлар билан шифохонага олиб кетилди.