14:58 / 08.09.2017
35150

Yerda to‘rtinchi darajali magnit bo‘roni kuzatilmoqda

Quyoshdagi chaqnashlar tufayli yuzaga kelgan zaryadlangan zarralarning zarba to‘lqini tufayli paydo bo‘lgan magnit bo‘roni besh ballik shkalada to‘rtga baholanmoqda. Bu haqda Rossiya fanlar akademiyasining Quyosh Fizikasi instituti rentgen astronomiyasi laboratoriyasidan ma'lum qilishdi.

«Yerda besh ballik shkaladan to‘rtinchisida bo‘lgan magnit bo‘roni ro‘y bermoqda. Hodisa kuchi bashorat qilinganidan taxminan o‘n martaga ko‘p. Hozir Yerning tungi qismida bo‘lib o‘tgan Kanadada kuchli qutb yog‘dulari kuzatilmoqda. Bo‘ron butun sayyora miqyosida ro‘y berayapti», - deya xabar matnini keltiradi RIA Novosti.

Ta'kidlanishicha, Quyoshdagi bir necha chaqnashlar – so‘nggi uch kun davomida quyosh tojidagi o‘zgarishlarning tabiiy natijasidir.

Avvalroq Quyoshda bir hafta ichida ikkinchi kuchli chaqnash yuz bergani xabar qilingandi.

Mavzuga oid
Top