Греция соҳилбўйи қўриқлаш хизмати Аталанти ороли яқинида мазут олиб кетаётган танкер чўкиб кетганини маълум қилди. Бу ҳақда хизматнинг сайтида хабар қилинган.

Таъкидланишича, чўккан кема “Агия Зони II” 11763 2,2 минг тонна мазут ва 370 тонна денгиз газойлини олиб кетаётган бўлган.

Оқибатда нефть маҳсулотларининг денгизга тўкилиши юз берган. Айни вақтда мутахассислар сувнинг ифлосланишини бартараф этиш билан шуғулланишмоқда.

Соҳилбўйи қўриқлаш хизмати танкер экипажининг 11 аъзосидан 2 нафарини кемадан эвакуация қилишга муваффақ бўлган. Қолганлар эвакуацияси давом этмоқда.